ടൊറോന്റോ: കാനഡയിലെ ക്നാനായ മക്കളുടെ വർഷങ്ങളായുള്ള ആഗ്രഹമായിരുന്ന ക്നാനായ സംഗമം യാഥാര്ത്ഥ്യമാകുന്നു. ദ ഡയക്ടറേറ്റ് ഓഫ് ക്നാനായ കാത്തലിക് ഇൻ കാനഡയുടെ ആഭിമുഖ്യത്തിൽ മെയ് 19, 20, 21 തിയതികളിൽ ഓറഞ്ച് വില്ലേയിലുള്ള വാലി ഓഫ് ദ മദർ ഓഫ് ഗോഡ് സെന്ററിൽ വെച്ച്നടത്തപ്പെടുകയാണ്. 2020 മെയ് മാസത്തിൽ നടത്താനിരുന്ന ഈ സംഗമം കോവിഡ്-19 മഹാമാരിമൂലം മാറ്റിവെക്കപ്പെടുകയാണ് ഉണ്ടായത്. കാനഡയിലെ വിവിധ പ്രൊവിൻസുകളിലായി വ്യാപിച്ചുകിടക്കുന്ന ക്നാനായക്കാർക്ക് ഒരുമിച്ച് കൂടുവാനും സൗഹൃദം സുദൃഡമാക്കി കൂട്ടായ്മ വർദ്ധിപ്പിക്കുന്നതിനും ഈ സംഗമം ഉപകരിക്കും. കോട്ടയം അതിരൂപത അദ്ധ്യക്ഷൻ അഭിവന്ദ്യ മാർ മാതൂ മൂലക്കാട്ട് പിതാവിന്റെ സാന്നിധ്യത്തിൽ നടക്കുന്ന ഈ ക്നാനായ സംഗമത്തിന്റെ രജിസ്ട്രേഷന്റെ ഉദ്ഘാടനം സെന്റ് മേരീസ് ക്നാനായ ചർച്ച്,മിസ്സിസാഗയിലും സേക്രട്ട് ഹാർട്ട് ക്നാനായ പാരീഷ്, ലണ്ടനിലും ഹോളി ഫാമിലി ക്നാനായ മിഷൻ അജാക്സ് എന്നിവിടങ്ങളിൽ നടത്തപ്പെടുകയുണ്ടായി.
