കാന്ബറ സേക്രഡ് ഹാര്ട്ട് ക്നാനായ കാത്തലിക് മിഷന്റെ 5-ാം വാര്ഷികവും ഈശോയുടെ തിരുഹ്യദയ തിരുനാളും, ആദ്യകുര്ബാന സ്വീകരണവും ഒക്ടോബര് 10, 11, 12 തീയതികളില് ഭക്തിനിര്ഭരമായി ആഘോഷിക്കുന്നു. ഒക്ടോബര് 10 വെളളിയാഴ്ച വൈകിട്ട് 6 മണിക്ക് വികാരി ഫാ.ഡാലിഷ് കൊച്ചേരിയില് തിരുനാളിന് കൊടിയേറ്റും. തുടര്ന്ന് ലദീഞ്ഞ് പരേതസ്മരണ. ഒക്ടോബര് 11 ശനിയാഴ്ച രാവിലെ 10 മണിക്ക് നടക്കുന്ന ആദ്യകുര്ബാന സ്വീകരണത്തിന് മാര് മാത്യു മൂലക്കാട്ട് മെത്രാപ്പോലീത്ത മുഖ്യ കാര്മ്മികത്വം വഹിക്കും. തുടര്ന്ന് സ്നേഹവിരുന്ന്. 12-ാം തീയതി ഞായറാഴ്ച വൈകുന്നേരം 5 മണിക്ക് അഭി. മാര് മാത്യു മൂലക്കാട്ട് മെത്രാപ്പോലീത്തയുടെ മുഖ്യ കാര്മ്മികത്വത്തില് ആഘോഷമായ തിരുനാള് പാട്ടുകുര്ബാന. 6.30 ന് തിരുനാള് പ്രദക്ഷിണം തുടര്ന്ന് പരി.കുര്ബാനയുടെ ആശീര്വാദം, സ്നേഹവിരുന്ന്.
