മോനിപ്പള്ളി: കോട്ടയം അതിരൂപതയിലെ സെന്റ് ജോസഫ് സന്യാസിനീ സമൂഹാംഗമായ സി. ലിംസി എസ്.ജെ.സി (മോനിപ്പള്ളി ഹൈസ്കൂള് അധ്യാപിക -50) നിര്യാതയായി. സംസ്കാര ശുശ്രൂഷകള് ചൊവ്വാഴ്ച ഉച്ചകഴിഞ്ഞ് മൂന്നു മണിക്ക് തെള്ളകം 101 കവലയിലുള്ള അനുഗ്രഹ മഠം ചാപ്പലില് വിശുദ്ധ കുര്ബാനയോട് കൂടി ആരംഭിക്കുന്നതും മഠം വക സിമിത്തേരിയില് മൃതസംസ്കാരം നടത്തപ്പെടുന്നതാണ്. മൃതദേഹം ഇന്ന് വൈകുന്നേരം 7 മണിയോടുകൂടി അനുഗ്രഹമഠത്തില് കൊണ്ടുവരുന്നതാണ്. സിസ്റ്റര് ലിംസി പാച്ചിറ ഇടവകയില് കുഴക്കിയില് പരേതരായ പാച്ചി- അന്നക്കുട്ടി ദമ്പതികളുടെ മകളാണ്. അരീക്കര, മംഗലഗിരി, വടക്കുംമുറി, കൊട്ടൂര്വയല്, ചെറുകര, കരിപ്പാടം, കല്ലറ, തെള്ളിത്തോട്, കുറുമുള്ളൂര്, ഇരവിമംഗലം, പുതുവേലി എന്നിവിടങ്ങളില് ശുശ്രൂഷ ചെയ്തിട്ടുണ്ട്.
മോനിപ്പള്ളി, കരിങ്കുന്നം, കല്ലറ, കുറുമുള്ളൂര്, കരിപ്പാടം സ്കൂളുകളില് അധ്യാപികയായി സിസ്റ്റര് ലിംസി ശുശ്രൂഷ ചെയ്തിട്ടുണ്ട്.
