ഏറ്റവും മികച്ച ചെറുകഥാസമാഹാരത്തിനുള്ള ബഷീര് സ്മാരക സാഹിത്യ പുരസ്കാരത്തിന് ബിജോ ജോസ് ചെമ്മാന്ത്രയുടെ ‘ബോണ്സായ് മരത്തണലിലെ ഗിനിപ്പന്നികള്’ അര്ഹമായി. പ്രശസ്ത സാഹിത്യ നിരൂപകനായ പ്രൊഫ. M K സാനു മാഷിന്റെ മേല്നോട്ടത്തിലുള്ള വിദഗ്ദ്ധ സമിതിയാണ് കൃതികള് വിലയിരുത്തി പുരസ്കാരങ്ങള് നിര്ണ്ണയിച്ചത്. ആശയം ബുക്സാണ് കഥകളുടെ സുല്ത്താനായ ബഷീറിന്റെ സ്മരണക്കായി സാഹിത്യ പുരസ്കാരങ്ങള് ഏര്പ്പെടുത്തിയത്. കോഴിക്കോട് വിപുലമായി സംഘടിപ്പിക്കുന്ന ബഷീര് ഉത്സവത്തില് പുരസ്കാരം സമ്മാനിക്കും.
ഫൊക്കാനായുടെ കാരൂര് നീലകണ്ഠപ്പിള്ള സാഹിത്യ പുരസ്ക്കാരവും ‘ ബോണ്സായ് മരത്തണലിലെ ഗിനിപ്പന്നികള്’ ക്ക് ലഭിച്ചിരുന്നു. കുമരകം വള്ളാറപ്പള്ളി ഇടവകാംഗമായ ബിജോ ജോസ് ചെമ്മാന്ത്ര അമേരിക്കയിലെ മെരിലാന്റ് സ്റ്റേറ്റില് താമസിക്കുന്നു. ഐടി മേഖലയില് ജോലിചെയ്യുന്ന അദ്ദേഹത്തിന്റെ ആദ്യ ചെറുകഥാസമാഹാരമാണിത്. ഗ്രീന് ബൂക്സാണ് പുസ്തകം പ്രസിദ്ധീകരിച്ചിരിക്കുന്നത്.
