കോട്ടയം: സാമൂഹ്യ മുന്നേറ്റത്തിന് ലക്ഷ്യബോധവും നിശ്ചയദാര്ഢ്യവും ത്യാഗമനോഭാവവും അത്യന്താപേക്ഷിതമാണെന്ന് സഹകരണ രജിസ്ട്രേഷന് വകുപ്പ് മന്ത്രി മന്ത്രി വി.എന് വാസവന്. കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് എം.ജി യൂണിവേഴ്സിറ്റി ക്യാമ്പസ്സില് പ്രവര്ത്തിക്കുന്ന ഇന്റര് യൂണിവേഴ്സിറ്റി സെന്റര് ഫോര് ഡിസെബിലിറ്റി സ്റ്റഡിസ് വിഭാഗം സോഷ്യല് വര്ക്ക് വിദ്യാര്ത്ഥികള്ക്കായി തെള്ളകം ചൈതന്യയില് സംഘടിപ്പിച്ച സാമൂഹ്യ അവബോധ പഠന ശിബിരത്തിന്റെ ഉദ്ഘാടന കര്മ്മം നിര്വ്വഹിച്ച് സംസാരിക്കുകയായിരുന്നു അദ്ദേഹം. സമൂഹ്യ അവബോധമുള്ള പുതുതലമുറയാണ് ഇന്നിന്റെ ആവശ്യകതയെന്നും പിന്നോക്കാവസ്ഥയിലുള്ളവരുടെ മുഖ്യധാരാവത്ക്കരണത്തിന് സാമൂഹ്യ അവബോധ പഠന ശിബിരങ്ങള് വഴിയൊരുക്കുമെന്നും അദ്ദേഹം കൂട്ടിച്ചേര്ത്തു. ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ് ചടങ്ങില് അദ്ധ്യക്ഷത വഹിച്ചു. കോട്ടയം സോഷ്യല് സര്വ്വീസ് സൊസൈറ്റി എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, കോട്ടയം ജില്ലാ പഞ്ചായത്ത് മെമ്പര് ഡോ. റോസമ്മ സോണി, അതിരമ്പുഴ ഗ്രാമപഞ്ചായത്ത് വൈസ് പ്രസിഡന്റ് ആലീസ് ജോസഫ്, കെ.എസ്.എസ്.എസ് അസി. ഡയറക്ടര് ഫാ. ജെഫിന് ഒഴുങ്ങാലില് എന്നിവര് പ്രസംഗിച്ചു. പരിപാടിയുടെ ഭാഗമായി സാമൂഹിക അവബോധ ബോധവത്ക്കരണ ക്ലാസ്സും ഭിന്നശേഷിക്കാര്ക്കായുള്ള ക്ഷേമപ്രവര്ത്തനങ്ങളെക്കുറിച്ചും പ്രത്യേകിച്ച് അന്ധബധിര വൈകല്യമുള്ള വ്യക്തികള് നേരിടുന്ന ബുദ്ധിമുട്ടുകളെക്കുറിച്ചും അവര്ക്കായി ലഭ്യമാക്കേണ്ട ക്ഷേമപ്രവര്ത്തനങ്ങളെക്കുറിച്ചും ക്ലാസ്സുകള് നടത്തപ്പെട്ടു. സ്പെഷ്യല് എജ്യുക്കേറ്റര് സിസ്റ്റര് സിമി ഡി.സി.പി.ബി, കെ.എസ്.എസ്.എസ് പ്രോഗ്രാം ഓഫീസര് ബബിത റ്റി ജെസില് എന്നിവര് പഠന ശിബിരത്തിന് നേതൃത്വം നല്കി.
