കോട്ടയം: അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് വിഭാവനം ചെയ്ത് നടപ്പിലാക്കുന്ന തയ്യല് മിത്രാ പദ്ധതിയുടെ ഭാഗമായി തയ്യല് മെഷീന് യൂണിറ്റുകള് വിതരണം ചെയ്തു. തെള്ളകം ചൈതന്യയില് സംഘടിപ്പിച്ച ചടങ്ങില് തയ്യല് മെഷീന് യൂണിറ്റുകളുടെ വിതരണോദ്ഘാടനം കോട്ടയം അതിരൂപത സഹായ മെത്രാന് ഗിവര്ഗ്ഗീസ് മാര് അപ്രേം നിര്വ്വഹിച്ചു. കോട്ടയം ജില്ലാ ജുവനൈയില് ജസ്റ്റിസ് ബോര്ഡ് മെമ്പറും കോട്ടയം സോഷ്യല് സര്വ്വീസ് സൊസൈറ്റി ഡയറക്ടറുമായ ഫാ. സുനില് പെരുമാനൂര് ചടങ്ങില് അദ്ധ്യക്ഷത വഹിച്ചു. കെ.എസ്.എസ്.എസ് അസി. ഡയറക്ടര് ഫാ. ജെഫിന് ഒഴുങ്ങാലില്, ഗ്രാമതല സന്നദ്ധ പ്രവര്ത്തകര്, പദ്ധതി ഗുണഭോക്താക്കള് എന്നിവര് ചടങ്ങില് സന്നിഹിതരായിരുന്നു. സ്വയം തൊഴില് സംരംഭങ്ങളിലൂടെ ഉപവരുമാന സാധ്യതകള്ക്ക് വഴിയൊരുക്കുക എന്ന ലക്ഷ്യത്തോടെ നടപ്പിലാക്കുന്ന പദ്ധതിയുടെ ഭാഗമായി ഉഷ കമ്പനിയുടെ ബന്ധന് കോംപോസിറ്റ് മോഡല് തയ്യല് മെഷീന് യൂണിറ്റുകളാണ് വിതരണം ചെയ്തത്.
