കോട്ടയം: ഭിന്നശേഷിയുള്ളവരുടെ സമഗ്ര ഉന്നമനം ലക്ഷ്യമാക്കി കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് നടപ്പിലാക്കി വരുന്ന സമൂഹാധിഷ്ഠിത പുനരധിവാസ പദ്ധതിയുടെ ഭാഗമായി അഗാപ്പെ സ്പെഷ്യല് സ്കൂള് വിദ്യാര്ത്ഥികള്ക്ക് സ്കൂള് ബാഗുകള് ലഭ്യമാക്കി. ലയണ്സ് ക്ലബ്ബ് ഓഫ് കിടങ്ങൂരുമായി സഹകരിച്ച് ലഭ്യമാക്കിയ സ്കൂള് ബാഗുകളുടെ വിതരണോദ്ഘാടനം തെള്ളകം ചൈതന്യയില് ഏറ്റുമാനൂര് മുനിസിപ്പല് ചെയര്പേഴസണ് ലൗലി ജോര്ജ്ജ് നിര്വ്വഹിച്ചു. ഏറ്റുമാനൂര് ബ്ലോക്ക് പഞ്ചായത്ത് മെമ്പര് ജെയിംസ് കുര്യന് ചടങ്ങില് അദ്ധ്യക്ഷത വഹിച്ചു. കെ.എസ്.എസ്.എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, കെ.എസ്.എസ്.എസ് അഗാപ്പെ സ്പെഷ്യല് പ്രിന്സിപ്പള് സിസ്റ്റര് ജോയിസി എസ്.വി.എം എന്നിവര് പ്രസംഗിച്ചു. കെ.എസ്.എസ്.എസിന്റെ നേതൃത്വത്തില് പാലാ ചേര്പ്പുങ്കല് ഗുഡ് സമരിറ്റന് റിസോഴ്സ് സെന്റര്, അഗാപ്പെ ഭവന്, കൈപ്പുഴ അഗാപ്പെ ഡെ കെയര് സെന്റര് എന്നിവിടങ്ങളിലെ കുട്ടികള്ക്കായാണ് സ്കൂള് ബാഗുകള് ലഭ്യമാക്കിയത്
