2024 ജൂലൈ 4 മുതൽ 7 വരെ ടെക്സാസ് സാൻ അൻ്റോണിയോയിലെ, Henry B. Gonzalez Convention Center-ൽ നടക്കുന്ന 15-ാമത് KCCNA കൺവെൻൻറെ രെജിസ്ട്രേഷൻ ജൂൺ 15 -നു അവസാനിക്കുന്നു. വടക്കേ അമേരിക്കയിലെ ക്നാനായ മക്കൾ വളരെ ആവേശത്തോടെ നൽകിയ ശക്തമായ പിന്തുണക്ക് KCCNA കൺവെൻഷൻ കമ്മിറ്റി എല്ലാവരോടും നന്ദി അറിയിക്കുന്നതായി എക്സിക്യൂട്ടീവ് കമ്മറ്റിക്ക് വേണ്ടി പ്രസിഡന്റ് ഷാജി ഏടാട്ടും കൺവെൻഷൻ ചെയർമാൻ ജെറിൻ കുര്യൻ പടപ്പൻമാക്കിലും അറിയിച്ചു . ആകെ രെജിസ്ട്രേഷനുകൾ 1000-ന് അടുത്തെത്തി നിൽക്കുന്നു. വിവിധങ്ങളായ കൺവെൻഷൻ കമ്മിറ്റികൾക്കും, കോൺവൻഷനോടു സഹകരിക്കുന്ന മറ്റു സ്ഥാപനങ്ങൾക്കും ഒരുക്കങ്ങൾ പൂർത്തിയാക്കാൻ മതിയായ സമയം അനുവദിക്കുന്നതിന് വേണ്ടിയാണ് , ജൂൺ 15 ശനിയാഴ്ച കൺവെൻഷൻ രജിസ്ട്രേഷൻ അവസാനിപ്പിക്കുന്നത് .
ഫുഡ് കൂപ്പണുകൾ, അധിക റൂമുകൾ, അധിക ബാൻക്വിറ്റ് ടിക്കറ്റുകൾ തുടങ്ങിയ ആഡ്-ഓണുകൾ വാങ്ങാനുള്ള ഓപ്ഷനുകൾ ഉൾപ്പെടെയുള്ള എല്ലാ രജിസ്ട്രേഷൻ ഓപ്ഷനുകളും 2024 ജൂൺ 15 ശനിയാഴ്ച അവസാനിക്കും. നിങ്ങളുടെ രജിസ്ട്രേഷൻ പൂർത്തിയാക്കാൻ എല്ലാ പേയ്മെൻ്റുകളും 2024 ജൂൺ 15-ന് പൂർത്തിയാക്കിയിരിക്കണം. ഒപ്പം ആഡ്-ഓൺ വാങ്ങലുകളും. എന്തെകിലും കാരണത്താലോ മറ്റെന്തെങ്കിലും സാഹചര്യങ്ങളാലോ നിങ്ങൾ ഇതുവരെ രജിസ്റ്റർ ചെയ്തിട്ടില്ലെങ്കിൽ, ദയവായി അടുത്ത മൂന്നു ദിവസങ്ങളിൽ തന്നെ രജിസ്റ്റർ ചെയ്യുക. ഇതിനകം രജിസ്റ്റർ ചെയ്ത കമ്മ്യൂണിറ്റി അംഗങ്ങൾക്ക്, നിങ്ങളുടെ രജിസ്ട്രേഷൻ പരിശോധിച്ചു ഉറപ്പുവരുത്തുക, ആവശ്യത്തിന് ഫുഡ് കൂപ്പണുകൾ, ബാൻക്വിറ്റ് ടിക്കറ്റുകൾ, അധിക റൂമുകൾ തുടങ്ങിയവ വാങ്ങിയിട്ടുണ്ടെന്ന് ഉറപ്പുവരുത്തുകയും അടുത്ത മൂന്നു ദിവസങ്ങളിൽ ആ വാങ്ങലുകൾ പൂർത്തിയാക്കുകയും ചെയ്യുക. കൺവെൻഷൻ സെൻ്ററിൽ ഏതെങ്കിലും തരത്തിലുള്ള ആഡ്-ഓൺ വാങ്ങലുകൾ ഉണ്ടാകില്ലയെന്നും ജനറൽ സെക്രട്ടറി അജീഷ് പോത്തൻ താമ്രത്ത് അറിയിച്ചു.
