കോട്ടയം: കോട്ടയം അതിരൂപതാ എപ്പാര്ക്കിയല് അസംബ്ലിയുടെ നിര്ദേശപ്രകാരം അതിരുപത ഹെല്ത്ത് കമ്മീഷന്റെ നേതൃത്വത്തില് നാലാമത്തെ കുട്ടിമുതലുള്ള പ്രസവശുശ്രുഷകള് സൗജന്യമായി നല്കി തുടങ്ങിയതിനെ സീറോ മലബാര് സഭയുടെ പ്രൊ ലൈഫ് അപ്പോസ്തലേറ്റ് അനുമോദിച്ചു. പദ്ധതിയുടെ ഭാഗമായി അതിരുപതയിലെ കുടുംബങ്ങളില് നാലാമതുണ്ടാകുന്ന കുട്ടികള് മുതല് പ്രസവത്തോടനുബന്ധിച്ചുള്ള ചെലവുകള് അതിരുപതയുമായി ബന്ധപ്പെട്ട ആശുപത്രികളില് സൗജന്യമായി ലഭിക്കുന്നത് മാതൃകയാണെന്ന് പ്രൊ ലൈഫ് അപ്പോസ്തലെറ്റ് എക്സിക്യൂട്ടീവ് സെക്രട്ടറി സാബു ജോസ് പറഞ്ഞു. കോട്ടയം അതിരുപതയുടെ മാതൃകയില് കേരളത്തിലെ എല്ലാ രൂപതകളിലും കുടുംബക്ഷേമ പദ്ധതികള്ക്ക് രൂപം നല്കണമെന്നും പ്രൊ ലൈഫ് അപ്പോസ്തലേറ്റ് ആവശ്യപ്പെട്ടു.
