ലണ്ടന്‍: സെന്റ് ജോസഫ് ക്‌നാനായ കാത്തലിക് മിഷനില്‍ തിരുക്കുടുംബത്തിന്റെ സംരക്ഷകനും തൊഴിലാളികളുടെ മദ്ധ്യസ്ഥനും മാത്യകയുമായ വി.യൗസേപ്പിതാവിന്റെ തിരുനാള്‍ 2024 മെയ് 3,4 തീയതികളില്‍ ഭക്തിനിര്‍ഭരമായി ആഘോഷിക്കുന്നു. പ്രധാന തിരുനാള്‍ തിരുക്കര്‍മ്മങ്ങള്‍ ക്‌നാനായവോയിസിലും KVTV -യിലും തത്സമയം സംപ്രേഷണം ചെയ്യുന്നു. മെയ് 4 ശനിയാഴ്ച രാവിലെ 10 മണിക്ക് റവ.ഫാ.പ്രിന്‍സ് തൈപ്പുരയിടത്തിലിന്റെ മുഖ്യ കാര്‍മ്മികത്വത്തില്‍ ആഘോഷമായ തിരുനാള്‍ റാസ. റവ. ഫാ. ബിബിന്‍ കണ്ടോത്ത്, റവ. ഫാ ഷഞ്ചു കൊച്ചുപറമ്പില്‍, റവ. ഫാ അജൂബ് തോട്ടനാനിയില്‍ എന്നിവര്‍ സഹകാര്‍മ്മികത്വം വഹിക്കും. റവ.ഫാ. ബിബിന്‍ കണ്ടോത്ത് തിരുനാള്‍ സന്ദേശം നല്‍കും. 12.30 ന് തിരുനാള്‍ പ്രദക്ഷിണം. തുടര്‍ന്ന് പരി.കുര്‍ബാനയുടെ ആശീര്‍വാദം (റവ. ഫാ.പ്രിന്‍സ് തൈപ്പുരയിടത്തില്‍). തുടര്‍ന്ന് സ്‌നേഹവിരുന്ന്.

UKKCA യുടെ ബാഡ്മിൻ്റൺ ടൂർണമെൻറിന് ഉജ്വല സമാപനം.പഴുതുകളില്ലാതെ,പരാതികളില്ലാതെ, പങ്കെടുത്തവർ മുക്തകണ്ഠം പുകഴ്ത്തിയ സംഘാടക മികവുമായാണ് ബാഡ്മിൻറൺ മത്സരങ്ങൾ അവസാനിച്ചത്. തലേ ദിവസം തന്നെ സ്‌റ്റോക്ക് ഓൺ ട്രൻറ്റിലെത്തി സെൻട്രൽ കമ്മറ്റിയംഗങ്ങൾ തയ്യാറാക്കിയ കൃത്യമായ രൂപരേഖ മത്സര വിജയത്തിന് ഏറെ സഹായകമായി. ക്നാനായ ഐക്യവും,സഹകരണവും, പ്രതിഫലിച്ച മത്സരങ്ങളും, സമ്മാന വിതരണവും, UKKCA യ്ക്ക് അഭിമാന നിമിഷങ്ങളാണ് ഏകിയത്. UKKCA ബാഡ്മിൻറൺ ടൂർണമെൻറുകളിൽ ഏറ്റവും അധികം ആളുകൾ പങ്കെടുക്കാറുള്ള സ്‌റ്റോക്ക് ഓൺ ട്രൻഡ് മത്സരവേദിയാക്കിയപ്പോൾ തന്നെ മത്സരങ്ങളുടെ സുഗമമായ നടത്തിപ്പിൻറെ പാതി വഴി താണ്ടിയിരുന്നു.സ്‌റ്റോക് ഓൺ ട്രൻഡ് യൂണിറ്റംഗങ്ങൾ തുടക്കം മുതൽ ഒടുക്കം വരെ സെൻട്രൽ കമ്മറ്റിയംഗളോടൊപ്പം പ്രവർത്തിച്ചത് മത്സര വിജയത്തിന് കാരണമായി. വളരെ ദൂരം യാത്ര ചെയ്ത് മത്സരത്തിനായി ഫെൻടൺ മേനർ പാർക്കിലെത്തിയവരെ സ്വീകരിയ്ക്കാനും ക്ഷേമമന്വേഷിയ്ക്കാനും സ്‌റ്റോക്കിലെ ക്നാനായക്കാർ മത്സരിച്ചപ്പോൾ ക്നാനായ മക്കളുടെ സഹോദര സ്നേഹത്തിൻ്റ ചാരുത സ്റ്റോക്കിനെ പറുദീസയാക്കി മാറ്റി.

പുരുഷൻമാരുടെ ഓപ്പൺ വിഭാഗത്തിൽ UKKCA ബാഡ്മിൻ്റൺ ടൂർണമെൻ്റിലെ വിജയി അനി ജോസഫിൻറെ പടയോട്ടത്തെ തടയാനായില്ല എന്നത് കൗതുകമായി. അനി ജോസഫും മകൻ ജെഫ് അനി ജോസഫും ഒന്നാം സ്ഥാനവും, പീറ്റർബറോ യൂണിറ്റിലെ കെവിൻബിക്കുവും കെൻലി ബിക്കുവും രണ്ടാം സ്ഥാനവും, നോർത്ത് വെസ്റ്റ് ലണ്ടനിലെ ലിബിൻ മത്തായിയും,ലിനോജ് അബ്രഹാമും മൂന്നാം സ്ഥാനവും, എഡിൻബറോയിൽ നിന്നെത്തിയ എബിൻ ജെ കുര്യനും അജിത് എബ്രഹാവും നാലാം സ്ഥാനവും നേടി. 50 വയസ്സിന് മുകളിലുള്ള പുരുഷൻമാരുടെ വിഭാഗത്തിൽ കൊവൻട്രി യൂണിറ്റിലെ ജയൻപീറ്റർ-ഷാജി മുഖച്ചിറയിൽ, സ്റ്റോക്ക് ഓൺ ട്രൻഡിലെ ജോസ് ആലപ്പാട്ട്-പ്രിൻസ് തോമസ്, ബർമിംഗ്ഹാമിലെ പ്രിൻസൺ-ജോബി ഫിലിപ്പ്, BCN കാർഡിഫിലെ തങ്കച്ചൻ-ഫിലിപ്പ് മാവേലിൽ ടീമുകൾ യഥാക്രമം ഒന്നും രണ്ടും മൂന്നും നാലും സ്ഥാനങ്ങൾ നേടി. വനിതാ വിഭാഗത്തിൽ ലെസ്‌റ്റർയൂണിറ്റിലെ ഗ്ലോറിയ-ഇസബെല്ലാ, സ്‌റ്റോക്ക് ഓൺ ട്രൻസിലെ മിനി ജയിംസ്-ലിനു സെജിൻ, സ്റ്റിവനേജിലെ ടെസ്സാ അനി ജോസഫ്-മരിയ അനി ജോസഫ്, സ്‌റ്റോക്ക് ഓൺ ട്രൻഡിലെ ബിൽസി സിബു-ബിജി അനീഷ് സഖ്യങ്ങൾ യഥാക്രമം ഒന്നും രണ്ടും മൂന്നും നാലും സ്ഥാനങ്ങൾ നേടി.
മിക്സ്ഡ് ഡബിൾസിൽ ജെഫ് അനി ജോസഫ്-ജീനാ മാത്യു(സ്റ്റിവനേജ്), പ്രിൻസ്-ബിജി(സ്‌റ്റോക്ക് ഓൺ ട്രൻഡ്), ബെൻസൺ ബെന്നി-സാറ മോൻസി(കവൻട്രി), ജോബി ആലപ്പാട്ട്-സിമി ജോബി(കവൻട്രി) എന്നിവരാണ് ഒന്നും രണ്ടും മൂന്നും നാലും സ്ഥാനങ്ങൾ നേടിയത്.

Life Line Protect-Mortgage and Insurance (Mega Sponsor)
The Wingfield Arms-Pub and restaurant (സിനു മുപ്രാപ്പള്ളി & സ്‌റ്റീഫൻ ചാണ്ടി (Birmingham)
Joana Travels (Jomon Thomas Maidstone)
Bony Bull Travels (Jomon Preston)
Sathern spice take away and catering Leicester
കുടിലിൽ brothers (ഷാജു,ബെന്നി,റെജി,എബി)
എന്നിവരായിരുന്നു സമ്മാനങ്ങൾ സ്പോൺസർ ചെയ്തത്.

UK യിലെ ഏറ്റവുംവലിയ വടം വലി മത്സരങ്ങളിലൊന്നായ UKKCA വടം വലി മത്സരത്തിന് 2024 May 25 ന് സ്റ്റോക്ക് ഓൺ ട്രെൻഡ് തന്നെ വേദിയാവുമ്പോൾ വിജയങ്ങളുടെ സ്‌റ്റോക്ക് തീരാത്ത മത്സരവേദിയായി വീണ്ടും സ്‌റ്റോക്ഓൺ ട്രൻഡ് മാറും എന്ന പ്രതീക്ഷയിലാണ് സെൻട്രൽ കമ്മറ്റിയംഗങ്ങൾ.

മാത്യു ജേക്കബ്ബ് പുളിക്കത്തൊട്ടിയിൽ
PRO UKKCA

ക്നാനായ കാത്തലിക് യൂത്ത് ലീഗ് കടുത്തുരുത്തി ഫൊറോനയുടെ 2024 – 2025 പ്രവർത്തന വർഷത്തെ പ്രവർത്തന ഉദ്ഘാടനം കുറുപ്പന്തറ സെൻറ് തോമസ് ക്നാനായ ദേവാലയ അംഗനത്തിൽ വച്ച് ഏപ്രിൽ മാസം 28 ആം തീയതി ഉച്ചകഴിഞ്ഞ് 3 മണിക്ക് നടത്തപ്പെട്ടു. കുറുപ്പന്തറ യൂണിറ്റ് പ്രസിഡൻറ് ശ്രീ. ജോസഫ് മാത്യു ആക്കാംപറമ്പിൽ പതാക ഉയർത്തിയ ശേഷം പ്രതിജ്ഞ ചൊല്ലി കൊടുത്തുകൊണ്ട് യോഗത്തിന് തുടക്കം കുറിച്ചു. തുടർന്ന് ഒരു മണിക്കൂർ നീണ്ടുനിന്ന ഐസ് ബ്രേക്കിംഗ് സെക്ഷൻ യുവജനങ്ങൾക്കായി നടത്തപ്പെട്ടു. തുടർന്ന് നടന്ന കെ.സി.വൈ.എൽ. കടുത്തുരുത്തി ഫൊറോനയുടെ പ്രവർത്തനവർഷ ഉദ്ഘാടന ചടങ്ങിൽ ഫൊറോന പ്രസിഡൻറ് ശ്രീ. അരുൺ സണ്ണി മുകളേൽ അധ്യക്ഷത വഹിക്കുകയും, അഭിവന്ദ്യ മാർ കുര്യൻ വയലുങ്കൽ പിതാവ് യോഗം ഉദ്ഘാടനം ചെയ്യുകയും ചെയ്തു.

കടുത്തുരുത്തി ഫൊറോന വികാരി ഫാദർ അബ്രഹാം പറമ്പേട്ട് സംഘടനയുടെ പുതിയ മാർഗ്ഗരേഖ പ്രകാശനം ചെയ്തു. ബഹുമാനപ്പെട്ട കുറുപ്പന്തറ പള്ളി വികാരി ഫാദർ ജേക്കബ് മുല്ലുർ, അതിരൂപത ഡയറക്ടർ ശ്രി. ഷെല്ലി ആലപ്പാട്ട്, അതിരൂപത ജനറൽ സെക്രട്ടറി ശ്രി. അമൽ സണ്ണി എന്നിവർ യോഗത്തിന് ആശംസകൾ അർപ്പിച്ച് സംസാരിച്ചു. ഫൊറോനയിലെ എല്ലാ യൂണിറ്റുകളിലെയും യൂണിറ്റ് ചാപ്ലിൻമാരും സിസ്റ്റർ അഡ്വൈസർമാരും യോഗത്തിൽ സന്നിഹിതരായിരുന്നു. കെ.സി.വൈ.എൽ. കടുത്തുരുത്തി ഫൊറോന സെക്രട്ടറി മരീന ടോജി യോഗത്തിന് നന്ദി അർപ്പിച്ചു.

കെസിവൈഎൽ കടുത്തുരുത്തി ഫൊറോന വൈസ് പ്രസിഡൻറ് ശ്രീ. ജോസ്റ്റൻ സോജൻ കരിശ്ശേരിക്കൽ, ജോയിൻ സെക്രട്ടറി ശ്രീ. നിജിൻ ജോസ് മാറിയിൽ, ട്രഷറർ ശ്രീമതി. അഖില അന്നാ ബിനു കുഴിപ്പിൽ എന്നിവർ പരിപാടിക്ക് നേതൃത്വം കൊടുത്തു. കുറുപ്പന്തറ, കല്ലറ, കടുത്തുരുത്തി, കരിപ്പാടം എന്നീ യൂണിറ്റുകൾ നടത്തിയ കലാപരിപാടിക്ക് ശേഷം ക്നാനായ ഫ്യൂഷൻ പ്രോഗ്രാമ്മോടുകൂടി പ്രവർത്തനവർഷ ഉദ്ഘാടന ചടങ്ങ് അവസാനിച്ചു.

കോട്ടയം അതിരൂപതയിലെ വൈദികരുടെ സ്ഥലംമാറ്റ ലിസ്റ്റ്

പടമുഖം: തിരുഹൃദയ ദൈവാലയത്തിന്‍്റെ സുവര്‍ണ്ണ ജൂബിലിയോടനുബന്ധിച്ച് കെ.സി.വൈ.എല്‍ കുടുംബ സംഗമം നടത്തപ്പെട്ടു. സംഗമത്തില്‍ 50 ഓളം അംഗങ്ങള്‍ പങ്കെടുത്തു. യൂണിറ്റ് പ്രസിഡന്‍റ് അഖില്‍ കോച്ചാപ്പള്ളി അധ്യക്ഷനായിരുന്ന സംഗമം വികാരി ഫാ. ഷാജി പൂത്തറ ഉത്ഘാടനം ചെയ്തു. ഡയറക്ടര്‍ ഡോ. മാത്യു പുള്ളോലില്‍ പതാക ഉയര്‍ത്തി സന്ദേശം നല്കി. സി. സുദീപ എസ്.ജെ.സി, ബെനറ്റ് പുന്നവേലില്‍, സൈമണ്‍ മലേപ്പറമ്പില്‍, ഫെലിക്സ് കവലക്കല്‍, ഡോണ മുളയിങ്കല്‍, അജീന ചേന്നാത്ത്, സ്റ്റെഫീന വേളൂപ്പറമ്പില്‍, സ്റ്റീമ കവലക്കല്‍, തുടങ്ങിയവര്‍ അനുഭവങ്ങള്‍ പങ്കു വഹിച്ചു. റിപ്പബ്ളിക് ദിന പരേഡില്‍ കേരളത്തെ പ്രതിനിധീകരിച്ച് പങ്കെടുത്ത എന്‍.സി.സി കേഡറ്റ് മെല്‍വിന്‍ പുള്ളോലിനെ ചടങ്ങില്‍ ആദരിച്ചു. വിവിധതരം ഗെയിമുകളെയും എക്സ്പീരിയന്‍സ് ഷെയറിങ്ങിനെയും തുടര്‍ന്ന് സ്നേഹവിരുനോടുകൂടെ പരിപാടികള്‍ സമാപിച്ചു. അഖില്‍, റിയ തോട്ടത്തില്‍, അല്‍ബി കോച്ചാപ്പള്ളി, അനീഷ നാരമംഗലം, സോന പള്ളിക്കര തുടങ്ങിയവര്‍ സംഗമത്തിന് നേതൃത്വം നല്കി. മുന്‍ യൂണിറ്റ് പ്രസിഡന്‍റ് സ്റ്റെഫിന്‍ വേളൂപ്പറമ്പില്‍ നന്ദി പറഞ്ഞു.

ചിക്കാഗോ: വടക്കേ അമേരിക്കയിലെ ക്‌നാനായ റീജിയൺ ദിനാചരണത്തോടനുബന്ധിച്ചു ക്‌നാനായ ഓൺലൈൻ ക്വിസ് മത്സരം സംഘടിപ്പിക്കുന്നു. ക്‌നാനായ കാത്തലിക് റീജിയനിലുളള ഇടവകളിലേയും മിഷനുകളിലേയും നാലാം ഗ്രേഡ് മുതലുള്ള മതബോധന വിദ്യാർത്ഥികൾക്കാണ് മെയ് അഞ്ചാം തിയതി നടക്കുന്ന മത്സരത്തിൽ പങ്കെടുക്കാൻ സാധിക്കുക. ചെറുപുഷ്‌പ മിഷൻ ലീഗ് ക്‌നാനായ റീജിയണൽ കമ്മിറ്റിയാണ് ഈ മത്സരം സംഘടിപ്പിക്കുന്നത്. അമേരിക്കയിലെ മുഴുവൻ ക്‌നാനായ കത്തോലിക്കാർക്കായി 2006 ഏപ്രിൽ മുപ്പതാം തിയതിയാണ് ചിക്കാഗോ രൂപതയിൽ ക്‌നാനായ റീജിയൺ സ്ഥാപിക്കുന്നത്. ഫാ. എബ്രഹാം മുത്തോലത്തിനെ റീജിയന്റെ ആദ്യ ഡിറക്ടറായി നിയമിക്കുകയും അനേകം ക്‌നാനായ പള്ളികൾ സ്ഥാപിക്കുവാൻ അദ്ദേഹം നേതൃത്വം നൽകുകയും ചെയ്‌തു. 2014 മുതൽ ഫാ. തോമസ് മുളവനാൽ ക്‌നാനായ റീജിയന്റെ ഡിറക്ടറും വികാരി ജനറാളുമായി സ്തുത്യർഹമായി സേവനമനുഷ്ഠിക്കുന്നു. വളർച്ചയുടെ ഭാഗമായി ക്‌നാനായ റീജിയനിൽ ഇന്ന് അഞ്ചു ഫൊറോനാകളിലായി 15 ഇടവക ദേവാലയങ്ങളും 8 മിഷനുകളുമുണ്ട്. ചെറുപുഷ്‌പ മിഷൻ ലീഗിന്റെ റീജിയണൽ കമ്മിറ്റി നാല് വർഷം മുൻപ് നിലവിൽ വരുകയും ക്‌നാനായ റീജിയണിലെ എല്ലാ ഇടവകളിലും മിഷൻലീഗ് സംഘടന വളരെ സജീവമായി പ്രവർത്തിച്ചു വരുകയും ചെയ്യുന്നു.

റിപ്പോർട്ട് : ടിബിൻ പുളിയംതോട്ടി

ക്നായി തോമായുടെ 11,000 ലധികം ചിത്രങ്ങൾ സമുദായ വാക്സിനേഷൻ പദ്ധതിയിലൂടെ വിതരണം ചെയ്തു.

ക്നാനായ സമുദായത്തിന്റെ പ്രീതികമായി നൂറ്റാണ്ടുകളായി ചരിത്രകാരന്മാർ രേഖപ്പെടുത്തുന്ന ക്നായി തോമായുടെ ചിത്രങ്ങൾ എല്ലാ ക്നാനായ ഭവനങ്ങളിലും സ്ഥാപിക്കുക എന്ന ആഹ്വാനം ഏറ്റെടുത്തുകൊണ്ടു സമുദായ സ്നേഹികൾ നടത്തിയ പരിശ്രമത്തിന്റെ ഫലമായി,
1️⃣1️⃣1️⃣4️⃣3️⃣ ചിത്രങ്ങൾ ഇതുവരെ ഫ്രെയിം ചെയ്തു, 101 ഇടവക കളിലായി വിതരണം ചെയ്തു.

150 ഓളം സമുദായ അംഗങ്ങൾ, ക്നായി തോമ ചിത്രങ്ങൾ സമുദായ അംഗങ്ങൾക്ക് സമ്മാനമായി നൽകാൻ തയ്യാറായകൊണ്ടാണ്, 18,55,677 ചിലവിൽ ഇത്രയും ചിത്രങ്ങൾ ഫ്രെയിം ചെയ്തു, സൗചന്യമായി വിതരണം ചെയ്യാൻ കഴിഞ്ഞത്.

ചിത്രവിതരണം ഏറെക്കുറെ പൂർത്തിയാക്കിയ ഇടവകകൾ (38)

ഉഴവൂർ,കരിങ്കുന്നം,ചുങ്കം,കിടങ്ങൂർ,കള്ളാർ,മടമ്പം,കരിപ്പാടം,മോനിപ്പള്ളി,നീറിക്കാട്,കണ്ണങ്കര,കല്ലറ,
പുതുവേലി,പാലത്തുരുത്,മാറിക,മാന്നാനം,മാറിയിടം,അട്ടപ്പാടി,ബാംഗ്ലൂർ,ഇടക്കൊലി,പൂഴിക്കോൽ,ഒളശ,തിരൂർ,കുറ്റൂർ,മാങ്ങിടപള്ളി,വാരപ്പെട്ടി,മൈക്കിൽഗിരി,ചേറ്റുകുളം,
കല്ലുശേരി,തേങ്ങേലി,
തിരുവാൻവണ്ടൂർ,
ചെങ്ങളം,ഓതറ,
കറ്റോട്,പുനലൂർ,
സേനപതി, പെരിങ്ങേൽ, മഞ്ഞക്കാട്.
ഇരവിമംഗലം (ഉടൻ പൂർത്തിയാക്കും).

ഈ ആശയം ഏറ്റെടുത്തുകൊണ്ട് 100/50/25 ചിത്രങ്ങൾ നിർമ്മാണം ചെയ്യാൻ താല്പര്യമുള്ള സമുദായ അംഗങ്ങൾക്ക്

താഴെ കാണുന്ന google ഫോം പൂരിപ്പിച്ചു ഈ പദ്ധതിയുടെ ഭാഗമാകാവുന്നതാണ്…

സ്പോൺസർഷിപ് താല്പര്യമുള്ളവർ,
Whatsapp @
+91 8848649020

സൗചന്യമായി കോപ്പികൾ വിതരണം ചെയ്യാൻ താല്പര്യമുള്ളവർ,
Whatsapp @
+91 90747 82008…