കോട്ടയം: ഹൃദ്രോഗ ചികിത്സാരംഗത്ത് നൂതന ചികിത്സാ സൗകര്യങ്ങൾ കൂടുതൽ ശക്തിപ്പെടുത്തിക്കൊണ്ട് കാരിത്താസ് ഹോസ്പിറ്റലിൽ മൂന്നാമത്തെ അത്യാധുനിക കാത്ത് ലാബ് (Cath Lab) പ്രവർത്തനം ആരംഭിച്ചു. ആധുനിക സാങ്കേതികവിദ്യയും മികച്ച ചികിത്സാ സംവിധാനങ്ങളും സമന്വയിപ്പിച്ച ഈ പുതിയ കാത്ത് ലാബ് കൂടി പ്രവർത്തന ക്ഷമമായതോടെ ഹൃദയസംബന്ധമായ വിവിധ രോഗനിർണയ-ചികിത്സാ നടപടികൾ കൂടുതൽ വേഗത്തിലും കൃത്യതയിലും ലഭ്യമാക്കാൻ സാധിക്കും. കോട്ടയം അതിരൂപത മെത്രാപ്പോലീത്തയും കാരിത്താസ് ഹോസ്പിറ്റൽ ട്രസ്റ്റ് പേട്രണുമായ റവ. മാർ മാത്യു മൂലക്കാട്ട് പുതിയ കാത്ത് ലാബിന്റെ ഉദ്ഘാടനം നിർവഹിച്ചു.ചടങ്ങിൽ കാരിത്താസ് ഹോസ്പിറ്റൽ ഡയറക്ടറും സി ഇ ഓ റവ. ഡോ. ബിനു കുന്നത്ത്, ജോയിന്റ് ഡയറക്ടർമാർ, മെഡിക്കൽ ഡയറക്ടർ ഡോ. ബോബി എൻ. എബ്രഹാം, സി.ഒ.ഒ ഡോ. അജിത് വേണുഗോപാലൻ, ചീഫ് നഴ്സിംഗ് ഓഫീസർ റവ. സിസ്റ്റർ ഷിജി ജോസ്, കാർഡിയോളജി ഡോക്ടർമാർ, നഴ്സിംഗ് വിഭാഗം, മറ്റ് ആരോഗ്യപ്രവർത്തകർ എന്നിവർ സന്നിഹിതരായിരുന്നു.
