ഹ്യൂസ്റ്റണ്: നോര്ത്ത് അമേരിക്കന് ക്നാനായ കത്തോലിക്കാ റീജിയണിന്റെ ആഭിമുഖ്യത്തില് ”ക്രൂസിംഗ് അലാസ്കാ റ്റുഗതര്” (Cruising Alaska Together) എന്ന പേരില് പ്രത്യേക കുടുംബ അലാസ്ക ക്രൂസ് സംഘടിപ്പിക്കുന്നു. 2027 ജൂണ് 13 മുതല് 20 വരെയാണ് ആനന്ദകരമായ ഈ സമുദ്രയാത്ര ക്രമീകരിച്ചിരിക്കുന്നത്. പ്രശസ്തമായ ‘സ്റ്റാര് പ്രിന്സസ്’ (Star Princess) ആഡംബര കപ്പലില് നടക്കുന്ന ഈ യാത്ര സിയാറ്റില് തുറമുഖത്തില് നിന്ന് ആരംഭിച്ച് സിയാറ്റിലില് തന്നെ സമാപിക്കും. കുടുംബബന്ധങ്ങള് കൂടുതല് ദൃഢമാക്കുക, വിശ്വാസജീവിതം പങ്കുവെയ്ക്കുക, റീജിയണിലെ കുടുംബങ്ങള്ക്ക് ഒരുമിച്ച് സന്തോഷകരമായ സമയം ചെലവഴിക്കാന് അവസരമൊരുക്കുക എന്നിവയാണ് ഈ യാത്രയുടെ പ്രധാന ലക്ഷ്യങ്ങള്. യാത്രാവേളകളില് ദിവസേനയുള്ള വിശുദ്ധ കുര്ബാന, സെമിനാറുകള്, വിവിധങ്ങളായ വിനോദപരിപാടികള് എന്നിവ ഉണ്ടായിരിക്കുന്നതാണ്. കുട്ടികള്ക്കും യുവജനങ്ങള്ക്കും പരസ്പരം പരിചയപ്പെടാനും സൗഹൃദം പുതുക്കാനുമായി പ്രത്യേക പ്രോഗ്രാമുകളും ഒരുക്കിയിട്ടുണ്ട്.
സിയാറ്റില്, കെച്ചിക്കന്, എന്ഡിക്കോട്ട് ആം ആന്ഡ് ഡാവ്സ് ഗ്ലേഷ്യര്, ജൂനോ, സ്കാഗ്വേ, വിക്ടോറിയ (കാനഡ) എന്നീ മനോഹരമായ സ്ഥലങ്ങള് ഉള്പ്പെടുന്നതാണ് ഈ യാത്രാപദ്ധതി. അലാസ്കയുടെ അതിമനോഹരമായ പ്രകൃതിഭംഗിയും ഹിമാനികളും (Glaciers) നേരില്ക്കണ്ട് ആസ്വദിക്കാന് കുടുംബങ്ങള്ക്ക് ലഭിക്കുന്ന അപൂര്വ അവസരമായിരിക്കും ഇത്.
ഗ്രൂപ്പ് നിരക്കുകള് താഴെ പറയുന്ന പ്രകാരമാണ്:
· ഇന്റീരിയര് റൂം (Interior Room): ഒരാള്ക്ക് $1,150 മുതല് $1,250 വരെ (രണ്ടുപേര്ക്ക് താമസിക്കാവുന്നത്).
· ഓഷ്യന് വ്യൂ റൂം (Ocean View Room): ഒരാള്ക്ക് $1,675.
ഈ നിരക്കുകളില് എല്ലാ പോര്ട്ട് ഫീസുകളും ടാക്സുകളും ഉള്പ്പെട്ടിരിക്കുന്നു. എന്നാല് ഗ്രാറ്റുവിറ്റിയും വിമാന ടിക്കറ്റ് നിരക്കും ഇതില് ഉള്പ്പെടുന്നില്ല; അവ പ്രത്യേകം എടുക്കേണ്ടതാണ്.
ഡിസ്കൗണ്ട് നിരക്കിലുള്ള സീറ്റുകള് പരിമിതമായതിനാല് താല്പര്യമുള്ള കുടുംബങ്ങള് എത്രയും വേഗം ബുക്കിംഗ് പൂര്ത്തിയാക്കണമെന്ന് സംഘാടകര് അറിയിച്ചു.
റിസര്വേഷനുകള്ക്കും കൂടുതല് വിവരങ്ങള്ക്കുമായി ബന്ധപ്പെടുക:
· മി. മൈക്കിള് (മുഖ്യ കോണ്ടാക്ട് ഏജന്റ്): 540-609-8810
· ഫാ. തോമസ് മുളവനാല്: 310-709-5111
· ഫാ. അബ്രഹാം മുത്തോലത്ത്: 773-412-6254
· ഫാ. ബിന്സ് ചേത്തലില്: 281-818-6518
· അല്ലെങ്കില് സ്വന്തം ഇടവക വികാരിയുമായി ബന്ധപ്പെടാവുന്നതാണ്
